Nënkryetarja e Bashkisë së Tiranës, Kozeta Mesiti, a reaguar lidhur me vendimin e kryebashkiakut Erion Veliaj, për ta shkarkuar nga detyra.
Mesiti deklaron se askush nuk mund ta ndalojë atë që si qytetare e lirë të dalë të protestojë kundër qeveverisjes në ditën e saj të pushimit
“Jam krenare qe kam perfaqesuar PDIU si Nenkryetare e Bashkise Tirane, ne keto muaj .. Askush nuk mund te me ndaloje si qytetare e lire, ne dite pushimi, ti bashkohem qindra mijera shqiptareve qe protestuan kunder qeverise, skamjes , zbrasjes se vendit nga rinia dhe gjithcka tjeter qe rendon cdo dite e me shume jeten e qytetareve.
Personalisht, ndjehem e nderuar qe isha pjese e asaj proteste madheshtore si shprehja me e mire e qytetarise per te reaguar dhe mos u nënshtruar”, shkruan Mesiti.
Kozeta Mesiti u shkarkua nga detyra si nënkryetare e bashkisë së Tiranës mëngjesin e të hënës, pasi kishte dalë të protestonte të shtunën kundër Ramës.
Bashkë me Mesitin, u shkarkua edhe drejtori i Tregjeve Sokol Hysa, po ashtu i pranishëm në protestë.
