Sërfisti amerikan Toby Cunningham, ka rrezikuar jetën kur mbi të ra jo një por disa valë gjigande njëra pas tjetrës.
Sërfisti u pushtua nga një dallgë e jashtëzakonshme dhe humbi ekuilibrin ndërsa bënte sërf në Nazare të Portugalisë, shkruan “SurferToday”. 41-vjeçari është mësuar me dy dhe tri dallgë mbi të, por ky rast padyshim ka qenë i veçantë.
Themi i veçantë jo sepse ishte diçka e bukur, por sepse sërfistit i ranë në kokë 5 dallgë të mëdha duke i rrezikuar seriozisht jetën.
Por këtë radhë forcat e shpëtimit nuk mundën t’i vinin në ndihmë shumë shpejt. Kjo për shkak se dallgë të tjera të mëdha nisën të vinin njëra pas tjetrës, duke e lënë Cunningham-in të zhytej thellë në ujë.
Gjithsesi pas disa minutash, djemtë e ndihmës së shpejtë e nxorrën Cunningham në breg.
“Këtu në Nazare, oqeani bën atë që dëshiron dhe për ne sërfistët profesionistë rreziku është i gjindshëm çdo ditë”, u shpreh Toby Cunningham në mediat lokale.
“Në situata të tilla, aspekti mendor është thelbësor: duhet të ruajmë qetësinë, të marrim frymë thellë dhe të presim të na shpëtojnë”.
