Një tjetër kamion është përmbysur mesditën e sotme në veri të vendit, si pasojë e motit të keq me erëra të forta.
Kamioni mësohet se është përmbysur në aksin rrugor Pukë-Shkodër, në vendin e quajtur Qafë-Qelë.
Fatmirësisht nga kjo ngjarje nuk ka patur persona të plagosur por vetëm dëme materiale.
Kujtojmë se ky është kamioni i tretë që rrëzohet për sot për shkak të erërave të forta që kanë përfshirë vendin. Më herët, një kamion i tonazhit të rëndë u përmbys në aksin Lezhë-Milot, ndërsa një tjetër pranë Urës së Milotit.
