Skënder Damini dhe avokati i tij
Prokuroria e Krimeve të Rënda ka nisur një hetim pasuror ndaj 3 gjyqtarëve që vendosën, pro kërkesës për gjykim të shkurtuar për Dritan Dajtin.
Gjyqtarëve, të cilëve po u hetohet pasuria janë Petrit Aliaj, Skënder Damini dhe Aleks Nikolli, të cilët janë të dyshuar për korrupsion.
Pasuria e tre gjyqtarëve do te futet në sitë nga hetuesit te cilët u kanë nisur shkresa zyrtare për informacion të gjitha bankave dhe institucioneve per pasurine e tyre dhe familjarëve të tyre, raporton Ora News.
Dajti është shpallur fajtor për vrasjen e 4 policëve në vitin 2009, por pas përfitimit të gjykimit të shkurtuar ai u dënua përfundimisht me 25 vite burg.
Dritan Dajti
Policia, me vendim gjykate, kontrolloi banesat e gjyqtarëve, ku vetëm në banesën e gjyqtarit të Apelit Vlorë, Skënder Damini, në Farkë të Tiranës, u gjetën 17 000 euro, që u sekuestruan nga policia, por vete gjyqtari ka pretenduar se janë të djalit.
VINI RE: Ky shkrim është pronësi intelektuale e “boldnews.al”
