Partia Demokratike dhe Lëvizja Socialiste për Integrim kanë organizuar strukturat dhe kanë bërë thirrje për protestë sot para Kuvendit në orën 16:30.
Ky vendim vjen pas vendimit të shumicës për seancë plenare ditën e sotme në orën 17:00, për të zëvendësuar seancën e së enjtes së shkuar që nuk u zhvillua për shkak të protestës së opozitës.
Opozita e bashkuar pritet të mblidhet para parlamentit për të pamundësuar zhvillimin e seancës plenare.
PD dhe LSI u kanë kërkua qytetarëve që të mblidhen të shumtë në numër ditën e sotme ndërsa kanë mobilizuar strukturat e tyre në kryeqytet.
