Përfshihet nga flakët një apartament në zonën e Unazës së Re në Tiranë. Mësohet se zjarri ka rënë në një apartament në katin e gjashtë të një pallati në këtë zonë.
Ngjarja ka shkaktuar panik te banorët e pallatit, ndërkohë që dy zjarrfikëse janë dërguar drejt vendngjarjes.
Fatmirësisht nuk raportohet për të lënduar por vetëm për dëme materiale. Ende nuk dihet se cilat janë shkaqet e zjarrit por policia ka nisur hetimet.
