Komentuesit kanë bërë për ujë të ftohtë ministrin e Brendshëm Lleshaj dhe drejtorin e policisë, Veliu.
Ditën e sotme, disa efektivë policie vajtën derë më derë te bizneset pranë parlamentit, për t’u kërkuar ndjesë lidhur me gazin e përdorur ndaj protestuesve më datë 25 shkurt.
Një komentues shkruan se policia të vret natën e të qan ditën. Ndërsa një tjetër shkruan se kjo është e gjitha një propagandë dhe asgjë më tepër.
Mëngjesin e sotëm efektivët trokitën në dyert e bizneseve për të kërkuar ndjesë për ta dhe klientët e tyre, ndërsa nga gazi i hedhur nga policia mbrëmjen e 25shkurtit u helmuan shumë qytetarë që kalonin rrugës madje edhe qindra metra larg vendit ku u bë protesta.
