Kreu i grupit Parlamentar të LSI-së, Petrit Vasili ka rikujtuar problemin e sistemit elektroral në Shqipëri, që ka mbetur ende i pazgjidhur.
Vasili ka sulmuar kryeministrin Edi Rama, duke i kujtuar se ka qenë ai i pari që ka vendosur me veto për sistemin elektoral në 2008-ën që ende kemi sot, i cili detyron qytetarët të votojnë për partinë dhe jo për kandidatin që duan.
“Edi Rama, sistemi tij spanjoll i zgjedhjeve dhe demokracia e detyruar ligjore.
Ne vitin 2008 Edi Rama vendosi me veto dhe me bujurdi te madhe sistemin zgjedhor proporcional rajonal, pra ku votohej vetem e vetem per Partite, te ndara ne 12 Qarqet e vendit.
Edi Rama ne vitin 2008 luftoi egersisht qe listat e deputeteve te mos ishin te hapura dhe te ishin vetem te mbyllura, pra qe shqiptaret te mos kishin asnje te drejte te zgjidhnin deputetet qe ata donin.
Edi Rama me terbim vendosi, qe qytetaret te votonin vetem e vetem per Partine ne fleten e votimit.
Sot Partite Parlamentare te Opozites kane marre vendimin politik te largohen nga nje Parlament i kriminalizuar, i kapur dhe i bllokuar ne cdo mekanizem te tij nga Edi Rama dhe maxhoranca e blere me vota te krimit te organizuar.
Ky veprim politik i opozites asgjeson cdo argument dhe i jep fund cdokujt, qe te spekulloje me gjoja deputete te pergjegjshem individuale, qe bejne gjoja zgjedhjen e tyre per hir te qytetarve.
Pasi sistemi yne elektoral voton Partine dhe Kryetarin dhe jo deputetet dhe kjo ndodhi se keshtu e deshi Edi Rama ne 2008.
Pra deputeti as nuk eshte zgjedhur direkt dhe as eshte votuar personalisht nga qytetari ne nje liste te hapur, qe ti jape atij te drejten morale te marre vendime ne emer te opozites.
Kete realitet ligjor nuk e ndryshon dot kerkush qofte nga ata qe flasin shqip apo Anglisht.
E kunderta do te prodhonte pasoja shume te renda per vendin, demokracine dhe personale per individet antidemokratike dhe antiligj.
Ndaj sherimi i vetem i kesaj situate shume te rende e shperthyese jane zgjedhjet e lira e te ndershme.”, shkruan Vasili.
Sistemi aktual elektoral është vendosur në vitin 2008 me ndryshimet kushtetuese të rëna dakord mes dy partive të mëdha dhe të refuzuara nga partitë e vogla.
