Një shqiptar është ndaluar në kufirin që ndan Italinë me Francën, falë kontrolleve të policisë së Torinos.
I riu shqiptar, identiteti i të cilit nuk është bërë ende i ditur, akuzohet për vrasje me paramendim të kryer në bashkëpunim.
Mediat italiane shkruajnë se bëhet fjalë për një ngjarje që ka ndodhur qershorin e vitit 2018 në qytetin e Vlorës, ku ka mbetur i vrarë një person. Shqiptari rrezikon të marrë një dënim prej rreth 25 vjetësh burg.
Policia italiane dhe ajo franceze e ndaluan shqiptarin rreth ores 09:30 në një autobus që ishte drejtuar për në shtetin alpin.
