Policia ka arrestuar 8 persona dhe 9 të tjerë i ka lënë në ndjekje të lirë për aktet e dhunës në protestën e sotme përballë Parlamentit.
Gjatë tubimit, pjesëmarrësit kanë kundërshtuar, goditur me mjete të forta e lëndë plasëse (gurë, shkopinj, fishekzjarre etj.) punonjesit e Policisë, të planizuar me shërbim në ambientet përreth Kuvendit të Shqiperisë, thuhet në njoftimin e policisë.
Shtetasit e ndaluar nga policia janë:
– N.C., 36 vjeç, banues ne Sukth, Durres (i denuar më parë për vjedhje dhe drejtim mjeti pa leje drejtimi);
– A. M., 23 vjeç, banues në Tirane (i denuar më parë për vjedhje);
– E. C., 33 vjeç, banues në Burrel;
– L.D., 37 vjeç, banues në Burrel (i denuar më parë për vjedhje);
– A.P., 23 vjeç, banues në Tirane;
– M. N., 31 vjeç, banues në Kamëz;
– L. B., 41 vjeç, banues në Gramsh;
– E.G. 36 vjeç, banues në Lezhë.
Në cilësinë e provave materiale janë sekuestruar kapsolla, doreza, kapuç, maska, pjesë metalike, flakadanë, etj.
Materialet iu dërguan Prokurorisë Rrethit Gjyqesor Tiranë, për veprat penale penale “Organizimi dhe pjesmarrja ne grumbullime e manifestime te paligjshme”, “Kundërshtimi i punonjesit të policisë së rendit publik”, “Goditje për shkak të detyrës” dhe “Prishja e qetesisë publike”.
