“Më shumë se 20 vjedhje në 3 muaj, në disa raste edhe grabitje të dhunshme, ku në një prej tyre plagosën me thikë viktimën.“, kështu nis artikulli i medias italiane “imolaoggi.it” për gjashtë shqiptarë.
Sipas këtij artikulli, policia e bolonjës ka vënë në pranga gjashtë shtetas shqiptarë, të cilët akuzohen se janë pjesë e një bande të specializuar në vjedhjen e banesave nga mesi i gushtit deri në tetor të vitit 2018.
Gjatë kësaj periudhe, shqiptarët dyshohet se kanë mundur të bëjnë grabitje që kapin vlerën që i kalon 250 mijë eurot në zonat e Bolonjës, Casaleçhios, Castenasos dhe Granarolos. Objektet e vjedhura ishin para, bizhuteri dhe mallra të tjera me vlerë.
Të arrestuarit janë : Ridvan Kerci 31 vjeç, Elton Mhilli 26 vjeç, Daniel Lleshaj 22 vjeç, Mark Pergjeci 26 vjeç, Rodolf Plishta 30 vjeç, Erjon Trashaj 25 vjeç.
