Një autobus ka tentuar të futet sot mes grave që protestojnë në Unazën e Re.
Mirëpo banorët e Unazës, sëbashku me ish-deputetin Klevis Balliu i cili si gjithmonë gjendet krah tyre në çdo protestë, kanë debatuar me shoferin e autobusit, të cilit i kanë kërkuar të presë deri në përfundim të protestës.
Pas këtij incidenti, gratë protestuese përpara kamerave, u kanë kërkuar ndjesë drejtuesve të automjeteve të cilëve u kanë bllokuar rrugën dhe ende presin të kalojnë, duke u kërkuar t’ua bëjnë hallall.
“Sot dhunës së gruas, stop dhunës së Unazës së Re. Gjithë këto gra që po protestojnë kaq kohë, shteti i dhunoi, të paktën ju shoferë mos i dhunoni të paktën sot. Të na e bëni hallall se edhe ne nga halli kemi dalë.”, tha një prej protestuesve.
Në ditën ndërkombëtare të gruas, gratë e Unazës së Madhe, gratë e opozitës dhe qytetare janë mbledhur sëbashku nën një moto “Shtëpia Jonë-Liria Jonë”.