Qindra njerëz kanë dalë të protestojnë në rrugët e Jeruzalemit kundër qeverisë, shkruan “RT”.
Anëtarët e komunitetit Haredi, të veshur me kapele të zeza dhe xhaketa të gjata, akuzojnë qeverinë se po bën përpjekje të shtypë fenë e tyre.
“Drafti është përndjekje fetare”, “Në burg, por kurrë në ushtri!”, janë disa prej deklarimeve të tyre.
Rreth 500 veta që i përkisnin lëvizjes së fraksionit të Jeruzalemit, u përleshën me policinë të enjten pasi forcat e sigurisë u përpoqën të shpërndanin turmën që kishte bllokuar trafikun dhe shërbimin hekurudhor.
Të paktën 30 hebrenj ultra-ortodoksë janë arrestuar pas përfundimit të protestës.
Video nga përplasjet tregojnë policinë duke përdorur taktika mjaft brutale për të marrë kontrollin e situatës.
Protestuesit kundërshtojnë një projektligj të Forcave Mbrojtëse të Izraelit. Shumë persona në komunitetin ultra-ortodoks shmangin shërbimin ushtarak të detyrueshëm, që vlen për shumicën e izraelitëve dhe komuniteti historikisht ka gëzuar përjashtime nga ushtria në favor të studimeve fetare.
