Ministri i Jashtëm i Gjermanisë ka kundërshtuar vendimin e Turqisë për dëbimin e tre gazetarëve gjermanë.
Heiko Maas tha se ky vendim është i papranueshëm dhe se ai do të bëjë fushatë kundër tij.
Gazetarëve iu dhanë dhjetë ditë për t’u larguar nga vendi. Mendohet se kjo është hera e parë që Turqia ka refuzuar zyrtarisht akreditimin e gazetarëve të huaj.
Ky veprim ka rigjallëruar shqetësimet rreth një ndalimi të lirisë së shtypit në Turqi.
Dhjetra gazetarë turq janë burgosur për lidhje të dyshuara me një grup që qeveria fajëson për një përpjekje të dështuar për puç në korrik të 2016-ës.
