Partizani është mundur në mënyrë surprizë në Tiranë prej Luftëtarit në ndeshjen e vajtjes çerekfinale të Kupës së Shqipërisë.
Edhe pse kaloi në epërsi i pari me golin e Telushit në minutën e 42-të, ekipi i Gegës nuk mundi ta ruajë rezultatin.
Fillimisht barazoi Fili në minutën e 54-t dhe më pas gjirokastritët kaluan në avantazh me Hoxhën në minutën e fundit të kohës së rregullt.
Kjo humbje e vështirëson jo pak kualifikimin e ekipit në gjysmëfinale duke qenë se ndeshja e kthimit luhet në Gjirokastër pas një jave.
Në kampionat të kuqtë mbajnë vendin e parë në renditje duke qenë ndër kandidatët kryesorë për titullin kampion.
Megjithatë javët e fundit kanë qenë të vështira për Partizanin që tashmë ka vetëm 6 pikë më shumë se Kukësi që i ndjek këmba-këmbës dhe nuk pret gjë tjetër veç një hap fals tyrin.
Sot luhet edhe ndeshja tjetër e Kupës mes Teutës dhe Kukësit kurse nesër Tirana pret Laçin.
