Templates by BIGtheme NET

Koreja e Veriut mund t’u rikthehet testeve bërthmore

Pheniani mund të ngrijë bisedimet me SHBA-në dhe të ripërtërijë testet e raketave dhe testet bërthamore, pasi zyrtarët e lartë amerikanë anashkaluan bisedimet e presidentit amerikan, Donald Trump me liderin koreano-verior, Kim Jong-un në samitin e Vietnamit, tha një diplomat i lartë i Koresë së Veriut.

Samiti i Hanoit në Vietnam mes presidentit të SHBA-ve, Donald Trump dhe udhëheqësit të Koresë së Veriut, Kim Jong-un, përfundoi përpara afatit dhe pa asnjë marrëveshje.

Koreja e Veriut bëri vlerësimin e parë publik të takimit të premten, me zëvendësministrin e Jashtëm, Choe Son-hui, i cili mori pjesë në bisedime, duke akuzuar figura të larta në ekipin e Trump, që e tejkaluan presidentin duke sjellë “një atmosferë armiqësie dhe mosbesimi” në tryezë.

Sipas Phenianit, deklaratat e Mike Pompeo e John Bolton për denuklearizim të plotë të Koresë së Veriut pas heqjes së sanksioneve është një “sofizëm absurd” dhe nuk mund të merret në konsideratë.

MUND TË KOMENTOSH

avatar
  Subscribe  
Më njofto