Templates by BIGtheme NET

Të shtëna me armë zjarri në dy xhami, 40 të vdekur dhe 20 të plagosur

Dyzet persona kanë humbur jetën dhe më shumë se 20 të tjerë kanë mbetur të plagosur nga të shtënat me armë zjarri në dy xhami në Christchurch, Zelandë e Re.

“BBC” shkruan se raporti i parë për sulm erdhi nga xhamia e Al Nur, e vendosur në qendër të Christchurch. Dëshmitarët thanë për mediat lokale se kishin vrapuar për të shpëtuar jetën e tyre dhe se kishin parë njerëz të gjakosur të shtrirë përtokë jashtë ndërtesës.

Një xhami e dytë në periferi të Linwood u evakuua, por pak detaje nga ajo.

Autoritetet këshilluan që të gjitha xhamitë në qytet të mbyllen deri në një njoftim tjetër. Policia e armatosur është parë gjithashtu në Papanui High School në Christchurch, e cila ishte e rrethuar.

Katër persona- tre burra dhe një grua – po mbahen në paraburgim në lidhje me të shtënat.

Kryeministri i Zelandës së Re Jacnda Ardern, e ka quajtur ditën e djeshme si një nga ditët më të errëta të Zelandës së Re.

“Një akt i pashembullt dhune. Është një ndër ditët më të errëta të Zelandës së Re. Nuk dihet ende numri i saktë i viktimave por është një ngjarje e tmerrshme”– ka thënë ai.

Të gjitha shkollat në Christchurchjanë mbyllur deri në një njoftim të dytë, dhe prindërve u është kërkuar të mbledhnin fëmijët e tyre.

Sipas Associate Pres myslimanët përfaqësojnë 1,1% të popullsisë në Zelandës e Re./Hashtag.al

MUND TË KOMENTOSH

avatar
  Subscribe  
Më njofto