Të tjera hollësi kanë dalë lidhur me ekzekutimin me armë zjarri të biznesmenit 35-vjeçar, Nard Polia në Theth.
Autori i atentatit dyshohet se ka përdorur një motoçikletë për t’u larguar nga vendngjarja, të cilën dyshohet se e ka djegur pranë Urës së Mesit.
Atentati ndodhi pranë fshatit Grudë ndërsa në mjetin me të cilin udhëtonte Polia udhëtonte edhe një person tjetër i cili nuk ka pësuar lëndime.
Ai është punonjës servisi dhe është shoqëruar për t’u pyetur lidhur me atentatin. Dyshohet se në drejtim të Polias janë qëlluar më shumë se 20 plumba.
