Qytetarët e kryeqytetit të Kazakistanit, Astana, u zgjuan si banorë të një qyteti tjetër pasi ai u emërtua në nder të liderit të tij, Nursultan Nazarbayev, megjithëse tashmë e ka ndryshuar emrin e tij tri herë gjatë historisë.
Kombet në Azinë Qendrore janë të njohur për të bërë përpjekje shtesë për të nderuar udhëheqësit e tyre.
Presidenti i tanishëm i Turkmenistanit ka një statujë gjigante të artë me vete, ndërsa udhëheqësi i Taxhikistanit së fundmi i ka kërkuar stacioneve televizive që të ndalojnë transmetimin e shumë videove “uruese” me imazhin e tij.
Kazakistani tani po aderon në këtë frymë, pasi banorët e kryeqytetit të saj, Astana, u gjendën të mërkurën në një qytet të ri.
Ligjvënësit votuan njëzëri për të riemërtuar atë Nur-Sultan, në nder të ish presidentit Nursultan Nazarbayev, i cili dha dorëheqjen vetëm një ditë më parë.
Ideja për të “përjetësuar” trashëgiminë e liderit erdhi nga kryetari i senatit Kassym-Jormat Tokayev, i cili ka marrë përsipër të jetë president deri në zgjedhjen e kryetarit të ri.
