11 nxënës të një shkolle në Bulqizë kanë përfunduar në spital. Nxënësit ishin në orën e laboratorit të lëndës së vizatimit, ku po përdornin një lëndë kimike të llojit sapun. Orën e laboratorit, nxënësit po e zhvillonin në klasë dhe jo në një ambient laboratori.
Lëndën si sapun, nxënësit kanë treguar se po e përdornin për të bërë forma. Por pas 30 minutash, nxënësit e klasës së gjashtë, kanë shfaqur simptoma të tilla si përzierje, të vjella dhe marrje mendsh.
Aktualisht nxënësit e shkollës “Shefqet Tançi” po marrin serum në spitalin rajonal të Bulqizës.
“Ishim në orën e vizatimit dhe po përdorinim sapun 15-ç për të bërë disa forma. Kishim gjysmë ore dhe pastaj filloi të na dhimbte barku. Dolëm të gjithë në dritare. Sapunët kishim aromë të keqe”, tha një nga nxënësit e shtruar në spital./Hashtag.al
