Rusia ka dërguar dy avionë ushtarakë në Venezuelë këtë të shtunë, që sipas “BBC”-së mbanin dhjetëra ushtarë dhe pajisje të mëdha ushtarake.
Sipas agjencisë së lajmeve “Sputnik” të Rusisë, avionët u dërguan për të “përmbushur kontratat teknike ushtarake”.
Javier Mayorca, një gazetar i Venezuelës ka treguar se kishte parë të shtunën rreth 100 ushtarë dhe 35 ton pajisje të shkarkuara nga aeroplanët.
Kjo vjen tre muaj pasi dy shtetet kryen ushtrime të përbashkëta ushtarake.
Rusia ka qenë prej kohësh një aleat i Venezuelës, duke i dhënë miliarda dollarë kombeve të Amerikës së Jugut dhe duke mbështetur industrinë e naftës dhe ushtrinë.
Rusia gjithashtu ka kundërshtuar lëvizjet nga SHBA-ja për të sanksionuar qeverinë e presidentit venezuelian Nicolás Maduro.
Lidhjet mes Moskës dhe Venezuelës janë forcuar në muajt e fundit, që janë përkeqësuar marrëdhëniet midis SHBA-së dhe Venezuelës. Në dhjetor, Rusia dërgoi dy avionë ajrorë atje si pjesë e një ushtrimi ushtarak.
Rusia është shprehur kundër shteteve që kanë mbështetur liderin e opozitës Juan Guaido, i cili u vetëdeklarua president i përkohshëm në janar.
