Ndërron jetë në moshën 76-vjeçare pas një sëmundjeje të rëndë ish-legjenda e Tiranës dhe kombëtares shqiptare të futbollit, Ali Mema.
Mema lindi në një familje me tradita sportive në kryeqytet në vitin 1943. Ndër emrat më të njohur nga kjo familje në futboll kanë qenë i vëllai Osman Mema, nipi Sulejman Mema dhe djali, Ardian Mema.
Mema ka luajtur gjatë gjithë karrierës së tij 9 vite me 17 Nëntorin, 2 sezone me Vllazninë dhe 1 me Partizanin. Ndërsa ka luajtur edhe 14 ndeshje me kombëtaren shqiptare në vitet 1960-1967.
