Ish-deputeti demokrat Ervin Salianji dhe analisti Lorenc Vangjeli janë përplasur ashpër me njëri tjetrin në studion e emisionit “Opinion” të gazetarit Blendi Fevziu.
Aq sa Salianji është detyruar t’i thotë Vangjelit: “Pusho, se e di si të fluturoj”.
DEBATI
Salianji: Unë dua të merrem me faktet, se të jetë për ty e di si të fluturoj apo jo? E di si të fluturoj?
Vangjeli: Dëgjoje, dëgjoje çik këtë garipin dëgjoje! Përsërite dhe njëherë, ti mo përsërite? Ti more? Guxo thuaje edhe njëherë
Salianji: Po të dua të fluturoj, të fluturoj fare… fare!
Vangjeli: E dëgjon këtë trimin? E dëgjon këtë trimin? O trimi, o trimi…
Salianji: Prokuroria e krimeve të rënda duhet të çonte sonte përpara përgjegjësisë penale politikanë të PD-së, drejtuesit e policisë
Vangjeli: Do të shkosh të paguash ti për mashtrimin tënd
Salianji: Mashtrues!
Por ky debat nuk erdhi kaq papritmas, pasi Salianji dhe Vangjeli debatuan edhe më herët gjatë emisionit, pasi ky e fundit e pyeti ish-deputetin nëse kishte një vëlla që ka patur probleme me drejtësinë. Por Salianji ju përgjigj duke e parë drejt e në sy jo. E më pas iu kthye Vangjelit duke e pyetur: “Je ti hajdut xhepash?.” Në fund Vangjeli u detyrua të kërkonte falje.
DEBATI:
Vangjeli: Ke ti një vëlla që ka probleme me drejtësinë
Salianji: Jo
Vangjeli: Në një vend të BE-së?
Salianji: Jo
Vangjeli: Ndjesë, tërhiqem, tërhiqem, tërhiqem
Salianji: Je ti hajdut xhepash? Edhe përdhunues? A jeni në vete ju apo jo?
Vangjeli: Të kërkoj shumë ndjesë. Sapo mora përgjigjen
Salianji: Nëse kam një vëlla,një njeri jo në familje, por në rreth çfarë do lloj qoftë, të arrestohet nëse shkel ligjin. Të dënohet, Të shkojë kudo. Mashtrojnë mo mashtrojnë.
Vangjeli: Zoti Salianji më fal
Salianji: Jeni ju hajdut xhepash, jeni në vete apo jo
Vangjeli: Jo unë nuk jam hajdut xhepash. Ju kërkoj shumë ndjesë. Nuk keni një vëlla që ka ndryshuar emrin, po e them edhe njëherë. Edhe nëse do ta kishe nuk do ndryshonte asgjë. Ti përgjigjesh për veten tënde
Salianji: E më mirë, dakord
