Dhjetra protestues janë mbledhur para drejtorisë së policisë Tiranë në mbështetje të 23 personave të shoqëruar pas pjesëmarrjes në tubimin e opozitës ditën e sotme.
Protestuesit kanë kërkuar lirimin e 23 të ndaluarve. Në mbështetje të tyre kanë shkuar edhe ish-deputetët e opozitës.
Deri më tani nuk raportohen për përplasje, ndërsa përfaqësues të opozitës po marrin informacion për të arrestuarit në ambientet e brendshme të Drejtorisë së Policisë.
