Vetëm pak minuta më parë ka patur përplasje mes forcave të policisë dhe gazetarëve dhe kameramanëve që po raportojnë nga vendngjarja për protestën e opozitës.
Institucioni i Ministrisë së Punëve të Brendshme është i gjithi i rrethuar nga forcat e policisë, pasi pritet mbërritja e ministrit të Drejtësisë dhe Sigurisë së Hollandës, Ferdinand Grapperhaus.
Por kur gazetari Erion Skëndaj po mundohej të merrte informacione nga policët, ata e kanë shtyreë me forcë për ta larguar.
“Nuk më ndalon dot të raportoj. Të lutem mos përdor forcë”, janë fjalët që Skëndaj përdor.
Policia te Ministria e Brendshme ka tërhequr me forcë protestuesit, mes tyre edhe gra, me arsyetimin se po prishin imazhin para delegacionit holandez.
“Po na prishni imazhin me protestën”, është shprehur një nga efektivët.
