Grupi “Volkswagen” ka vlerësuar në një raport se ai i vetëm është përgjegjës për gati 2% të prodhimit të gazit ndotës CO2 në të gjithë botën, njoftoi një përgjegjës i prodhuesit në një intervistë.
“Ne kemi përllogaritur se cila është pjesa e prodhimeve botërore të gazit CO2 nga ana e kompanisë”, shpjegoi Michael Jost, kryestrategu i “Volkswagen”, për gazetën gjermane “Wirtschaftswoche”, raporton ATA.
“Është gati 1% për veturat dhe 1% për mjetet e tonazhit të rëndë”, tha ai.
Për krahasim, me 800 milionë tonë gaz CO2, Gjermania ishte në vitin 2017 në vend të gjashtë, duke përfaqësuar gati 2,2% të prodhimeve botërore të këtij gazi, sipas shifrave të “Global Carbon Project”.
