Perlat Vatoci është emëruar sot drejtor i policisë së Gjirokastrës. Ai ka qenë kreu i komanduar i kësaj policie që prej prillit të vitit 2018.
Të tjera lëvizje këto ditët e fundit në polici janë emërimi i Niko Brahimajt në krye të policisë së Shkodrës si dhe largimi i Albert Nushit nga kreu i policisë së Fierit.
Ky i fundit u shfaq në audiopërgjimet e publikuara nga ish-deputeti demokrat, Salianji, duke biseduar me Fredi Alizotin e duke i ofruar atij para. Alizoti pretendon se ka bërë zërin e Agron Xhafajt në audiopërgjimin e publikuar pak muaj më parë.
