Ministri i Brendshëm, Sandër Lleshaj është rikthyer sërish në Shkodër, ku i shoqëruar nga Drejtori i Përgjithshëm i Policisë së Shtetit, Ardi Veliun, janë takuar ditën e sotme me përfaqësues të prefekturës së qarkut Shkodër.
Në përfundim, ministri u shpreh se takimi u zhvillua për t’i dhënë Shkodrës dhe qytetarëve të saj sigurinë maksimale të kërkuar.
“Jemi këtu për të mbajtur angazhimin tonë për t’i dhënë vëmendjen maksimale Shkodrës dhe sigurisë së qytetarëve të saj”, tha ministri.
