Duket si një zemër e vërtetë. Dhe ky është qëllimi i zemrës së parë tërësisht të butë artificiale: të imitojë modelin e saj natyror sa më afër që të jetë e mundur.
Zemra prej silikoni është krijuar nga Nicholas Cohrs, një student i doktoraturës në grupin e udhëhequr nga Wendelin Stark, Profesor i Inxhinierisë së Materialeve Funksionale në ETH Zurich.
Arsyetimi pse natyra duhet të përdoret si një model është e qartë. Pompat e gjakut që përdoren aktualisht kanë shumë mangësi: pjesët e tyre mekanike janë të ndjeshme ndaj ndërlikimeve, ndërsa pacientit i mungon një impuls fiziologjik, i cili supozohet të ketë disa pasoja për pacientin.
“Prandaj, qëllimi ynë është të zhvillojmë një zemër artificiale që është afërsisht e njëjtë me atë të pacientit dhe që imiton zemrën njerëzore sa më shumë që të jetë e mundur në formë dhe funksionale“, thotë Cohrs.
Një zemër artificiale mirë funksionale është një domosdoshmëri e vërtetë: rreth 26 milionë njerëz në mbarë botën vuajnë nga dështimi i zemrës ndërsa ka mungesë të zemrave të donatorëve.
Pompat artificiale të gjakut ndihmojnë për të kapërcyer kohën e pritjes derisa një pacient të marrë një zemër të dhuruesit ose zemra e tij rimëkëmbet.
Zemra e butë artificiale u krijua nga silikoni duke përdorur një teknikë të printimit 3D; ajo peshon 390 gram dhe ka një volum 679 cm3. “Është një monobllok silikoni me strukturë komplekse të brendshme“, shpjegon Cohrs.
Kjo zemër artificiale ka barkushën e majtë dhe të djathë, ashtu si një zemër e vërtetë njerëzore, megjithëse ato nuk janë të ndara nga një seksion por nga një dhomë shtesë.
Kjo dhomë është brenda dhe pakëson presion e ajrit dhe është e nevojshme për të pompuar lëngun nga dhomat e gjakut, duke zëvendësuar kështu tkurrjen e muskujve të zemrës njerëzore.
