Një aksident i rëndë ka ndodhur paraditen e sotme në aksin Librazhd-Përrnjas. Mësohet se një autobus i linjës Elbasan-Korçë, është përplasur me një automjet, por nuk ka ndodhur vetëm kaq.
Në aksident janë përfshirë edhe dy automjete të tjera. Si pasojë e aksidentit kanë mbetur disa persona të lënduar, por ende nuk dihet për kë bëhet fjalë dhe sa është numri i të plagosurve.
Dy ambulanca janë nisur drejt vendngjarjes, një nga qyteti i Librazhdit dhe një nga ai i Korçës. Ende nuk dihet cilat janë shkaqet e aksidentit por paraprakisht mendohet se ka qenë moti i keq. Një nga mjetet mendohet gjithashtu se ka qenë duke lëvizur me shpejtësi të lartë.
