“Në momentin që Kosova bëhet anëtare e Organizatës së Kombeve të Bashkuara, Republika Serbe do ta shpallë pavarësinë e vet”, kështu po deklaron kryesuesi i Presidencës së Bosnjë e Hercegovinës.
Duke folur për gazetën e Beogradit “Veçernje novosti”, Dodik ka shtuar se për Kosovën do të pranonte çdo zgjidhje me të cilën pajtohet Serbia. Tutje, ai këmbëngul se Republika Serbe është shtet i pavarur, por shton se për këtë pavarësi i mungojnë “letrat”.
E për t’i marrë këto “letra”, Dodik paralajmëron se Republika Serbe mund ta shpallë pavarësinë.
Këtë shpallje pavarësie ai e ka ndërlidhur me Kosovën:
Ka shtuar se Bosnjë e Hercegovina do të shpërbëhej brenda dy ditësh sikur të mos ishte përzierja nga jashtë. Sipas tij, Ballkani i qëndrueshëm do të bëhej vetëm me ridefinim ashtu që të bashkohen hapësirat ku shumicë janë popujt dominues.
“Stabiliteti më i madh do të arrihej sikur të gjithë serbët të bashkoheshin në një Serbi perspektive”, ka shfaqur dëshirën në fund Dodiku.
