Ish-presidenti peruan, Alan Garcia, ka qëlluar veten në kokë dhe ka humbur jetën në spital, njoftojnë mediat peruane dhe ato ndërkombëtare.
Garcia, 69 vjeç, u dërgua me shpejtësi në spital në kryeqytetin Lima, tha agjencia.
“Ish-presidenti mori vendimin për të qëlluar veten,” tha avokati i tij, Erasmo Reyna, jashtë mjediseve të spitalit.
Ministri i Shëndetësisë, Zulema Tomas, u tha gazetarëve se Garcia është ende “në gjendje kritike ” dhe lëndimet e tij janë “shumë serioze”.
Por më pas Garcia raportohet se humbi jetën në spital.
Garcia, i cila ka shërbyer si president nga viti 1985 në 1990 dhe nga viti 2006 deri në vitin 2011, është nën hetim për ryshfet në lidhje me një skandal masiv të korrupsionit që ka përfshirë një numër ish-liderësh të Amerikës Latine.
Burimet pranë hetimit i thanë CNN-së se autoritetet peruane kishin lëshuar një urdhër për arrestimin e tij të menjëhershëm.
Garcia është akuzuar se ka marrë rryshfete nga një nga firmat më të mëdha të ndërtimit në Amerikën Latine, Odebrecht, me seli në Brazil, gjatë ndërtimit të një treni elektrik në Lima, ndërsa ai ishte president gjatë mandatit të tij të dytë.
