Një aksident ka ndodhur në aksin rrugor Laç-Mamurras, ku një automjet tip Benz është përplasur me një kamion.
Ngjarja ka ndodhur pranë fshatit Gjormë, ku si pasojë e aksidentit ka mbetur i plagosur drejtuesi i Benzit, me inicialet S.T. I plagosuri është dërguar me urgjencë në Spitalin e Traumës në Tiranë dhe ndodhet nën kujdesin e mjekëve.
“Në aksin rrugor Laç- Mamurras, në fshatin Gjormë, mjeti tip Benz me drejtues shtetasin S.T, 57 vjeç, banues në Kurbin është përplasur me mjetin kamion me drejtues shtetasin M.L.,37 vjeç, banues në Kurbin.
Si pasojë e përplasjes ka mbetur i dëmtuar drejtuesi i mjetit shtetasi S.T., i cili është dërguar në Spitalin e Traumës Tiranë dhe ndodhet nën kujdesin mjekësor.
Grupi hetimor vazhdon veprimet në vendngjarje për sqarimin e rrethanave të aksidentit.”, thuhet në njoftimin e policisë.
