Një model 26-vjeçar ka vdekur pasi u rrëzua në pasarelë në Javën e Modës në São Paulo. Modeli Tales Soares po merrte pjesë në një shfaqje për markën Ocksa kur papritmas u rrëzua. Ai u dërgua në një spital, por mjekët nuk arritën të bënin dot gjë për të.
Publiku fillimisht mendoi se ishte pjesë e shfaqjes, shkruan “BBC“. Modelet dukeshin të tmerruar pasi zjarrfikësit nxituan të largonin modelin nga skena.
Organizatorët konfirmuan vdekjen e tij në Twitter, por nuk dhanë ndonjë detaj.
“Na vjen keq për humbjen e tij dhe i dërgojmë ngushëllimet tona më familjes së Tales”, thuhet në deklaratën e organizatorëve, ku shtohet se ata ofrojnë “të gjithë ndihmën e nevojshme në këtë kohë të trishtë”.
Videot që qarkullojnë në mediat sociale tregojnë Soares-in duke ecur deri në fund të pasarelës dhe duke u kthyer, para se të rrëzohej. Modeli 26- vjeçar mbronte të drejtat e homoskesualëve.
