Gazeta gjermane Der Tagesspiegel shkruan se samiti për Ballkanin Perëndimor në Berlin ngjall frikën për një nacionalizëm të ri.
Në shkrimin gjermanes Der Tagesspiegel, vëmendja në këtë samit është në trekëndëshin mes Vuçiç, Thaçit dhe presidentit francez Emmanuel Macron. Ky takim shihet si një shtysë për normalizimin e marrëdhënieve mes Serbisë dhe Kosovës.
Frikërat nacionaliste për të ardhmen e marrëdhënieve Kosovë-Serbi do diskutohen në samit nëse ideja për shkëmbimin e territoreve do ngjallet apo do varroset, ku rolin kryesor e kanë Merkel dhe Macron si nismëtarë të samitit.
Ideja e një shkëmbimi territorial u inicua nga Vuçiç dhe Thaçi në një forum evropian në Alpbach në Austri, në gusht të vitit të kaluar. Detajet nuk u përmendën nga presidentët e Serbisë dhe Kosovës. Por përsëri dhe përsëri flitet se një pjesë e Kosovës veriore, e banuar nga serbët, do i jepen Serbisë dhe në kthim, Lugina e Preshevës në jug-perëndim të Serbisë, ku kryesisht banohet nga shqiptarët mund të inkorporohen në Kosovë.
Merkel është rreptësisht kundër një shkëmbimi të tillë territorial. Frika e tyre është se një demarkacion i ri përgjatë vijave ndarëse etnike mund të shkaktojë një efekt domino fatal në Ballkan. Për shembull, Presidenti i Shqipërisë Edi Rama ka ambicie të Shqipërisë së Madhe – përfshirë shqiptarët në Kosovë, Serbi, Maqedoni dhe Mal të Zi. Planet për një shkëputje të Republikës Serbe brenda Bosnje-Hercegovinës gjithashtu mund të marrin indicie të reja.
Në përpjekjen e saj për të ndalur nacionalizmin e ri dhe demarkacionin e ri, Merkel mbështetet nga ekspertë të politikës së jashtme nga të gjitha partitë në Berlin.
Marrë nga Der Tagesspiegel
