Jep dorëheqjen zëvendësprokurori i Përgjithshëm në SHBA, Rod Rosenstein i cili mbikqyri hetimin special të këshilltarëve për fushatën e Presidentit Donald Trump dhe lidhjes me Rusisë.
“BBC” shkruan se Rosenstein e ka paraqitur dorëheqjen e tij tek Presidenti i SHBA-ve, Donald Trump më 28 prill por do të largohet më 11 maj.
Në letrën e tij të dorëheqjes, Rosenstein shkroi se ai “gjithmonë e ka vendosur Amerikën në rradhë të parë” si dhe ka ndihmuar stafin e Departamentit të Drejtësisë me njerëz “të përkushtuar ndaj vlerave që e bëjnë Amerikën të madhe”.
Ai në letër falenderon presidentin Trump për “mirësjelljen dhe humorin”. Më parë Trump publikoi një foto që e tregonte Rosenstein si një të burgosur për tradhëti.
Dorëheqja e Rosentein pritej që në mars, pas emërimit të William Barr si prokuror i përgjithshëm.
Rosenstein emëroi Këshilltarin Special, Robert Mueller për të hetuar ndërhyrjen e Rusisë në zgjedhjet presidenciale të SHBA-së në 2016 dhe lidhjet midis agjentëve rusë dhe fushatës së Trumpit, pasi prokurori i atëhershëm, Jeff Sessions, u tërhoq nga detyra.
