Një grua është vrarë dhe dhjetëria të tjerë kanë mbetur të plagosur në përplasjet e djeshme në kryeqytetin e Venezuelës, mes mbështetësve të opozitës dhe forcave qeveritare.
Ushtria përdori gaz lotsjellës dhe bomba me ujë kundër protestuesve, shkruan BBC. Presidenti i vetëshpallur Juan Guaido, bëri fajtor qeverinë për vdekjen e gruas 27-vjeçare.
Guaidó bëri thirrje për një seri grevash për të detyruar Presidentin Nicolás Maduro të heqë dorë nga pushteti.
Ai u kërkoi të punësuarve të administratës publike të veprojnë të enjten, duke në mënyrë që të shkonin drejt një greve të përgjithshme.
Kujtojmë se Guaido në janar deklaroi veten si udhëheqës i përkohshëm i Venezuelës dhe është njohur nga më shumë se 50 vende, përfshirë Shtetet e Bashkuara, Mbretërinë e Bashkuar dhe shumicën e vendeve të Amerikës Latine. Por Maduro, i cili mbështetet nga Rusia, Kina dhe udhëheqësit e ushtrisë së Venezuelës – ka refuzuar të japë pushtetin.
