Presidenti i SHBA-ve, Trump, ka folur me telefon me homologun rus, Putin, rreth mundësisë së një “marrëveshjeje të re bërthamore” në një thirrje që zgjati një “pak më shumë se një orë”, tha Shtëpia e Bardhë.
Sekretarja e shtypit e Shtëpisë së Bardhë, Sarah Sanders, u tha gazetarëve se marrëveshja e re mund të jetë një marrëveshje e re shumëpalëshe bërthamore midis SHBA, Rusisë dhe Kinës – ose zgjerimin e marrëveshjes strategjike bërthamore të SHBA-Rusi.
Sanders tha se Trump dhe Putin diskutuan gjithashtu për Korenë e Veriut, teksa presidenti Trump i ka bërë thirrje Putinit për të rritur më shumë presionin ndaj Phenianit për denuklearizimin e gadishullit. Çifti gjithashtu diskutoi për krizën politike në Venezuelë.
Sanders tha se biseda gjithashtu preku shkurtimisht edhe publikimin e fundit të raportit të Mueller, lidhur me ndërhyrjen ruse në zgjedhjet e fundit presidenciale në SHBA.
