Shirat e dendur të orëve të fundit, kanë shkaktuar përmbytje në Vlorë. Rrugët e qytetit bregdetar janë mbushur me ujë, sikurse shihet nga pamjet e mëposhtme.
Një ndër zonat më kritike është ajo pranë Albanos dhe Rominës, ndërsa përmbytje ka pasur edhe tek rruga e Cipajve, pranë portit detar, si edhe në Bulevardin e ri Vlorë-Skelë.
Sipas “Ora News”, uji ka arritur në disa centimetra dhe disa nga blloqet e banimit janë përmbytur gjithashtu.
Qyteti i Vlorës ka gjithmonë probleme të tilla, kur ka reshje intensive të shiut.