Ish-deputetja Albana Vokshi ka përshëndetur vendimin e kreut të shtetit Ilir Meta për mos lejimin e shkarkimit të rektorit Koni.
Vokshi e cilësoi vendimin e Metës në mbrojtje të autonomisë universitare dhe lirisë akademike.
Vokshi më tej thekson se vendimi nga ministrja e arsimit Besa Shahini tregon se nuk ka ushtruar si duhet kompetencat e saj.
Postimi i plotë:
Përshëndes vendimin e Presidentit për të mos lejuar shkarkimin e paligjshëm nga qeveria të Rektorit Mynyr Koni.
Vendimi i Presidentit është në mbrojtje të autonomisë universitare dhe lirisë akademike, që u cenuan rëndë nga akti i paligjshëm i Ministres së Arsimit.
Është shumë i drejtë dhe i saktë argumenti i Presidentit se Ministrja Shahini nuk ka ushtruar kompetencat e saj në mënyrë objektive, shteruese, proporcionale dhe transparente.
Autonomia universitare duhet mbrojtur me çdo kusht për të mos e lënë edhe Arsimin e Lartë, edhe jetën akademike në duart e një Kryeministri që kontrollon gjithçka tjetër: Gjykatat, prokurorinë, mediat dhe të ashtuquajturën shoqëri civile.
PD është e përkushtuar ta garantojë autonominë universitare me një ligj të ri për arsimin e lartë, që do ta hartojmë së bashku me pedagogët e studentët.
