Ed Sheeran e ka dyfishuar pasurinë e tij gjatë vitit të kaluar, duke e çuar në 160 milionë pound, pavarësisht se nuk ka publikuar asnjë album të ri.
Kantautori 28-vjeçar, tanimë është muzikanti i 17 më i pasur në Mbretërinë e Bashkuar, sipas “Sunday Times Rich”.
Ai më parë ndodhej në vendin e 35 të kësaj liste dhe tanimë ia kalon edhe Adele, e cila numëron 10 milionë pound më pak se ai.
“Mirror” shkruan se Sheeran e ka bërë shumicën e parave të tij përmes turneut. 94 shfaqjet e turneut të tij “Divide” arritën në shitjen e 4,860,482 biletave, për rreth 340 milionë pound.
Por lista e muzikantëve më të pasur në Britani, kryesohet nga veteranët dhe Sheeran e Adele përbëjnë përjashtim. Ata nuk shkojnë as në dhjetëshe.
Dhjetë muzikantët më të pasur në Britani të Madhe (2019):
- Lloyd-Webber, 820 milionë paund
- Paul McCartney dhe Nancy Shevell, 750 milionë pound
- U2, 583 milionë pound
- Elton John, 320 milionë pound
- Mick Jagger, 275 milionë pound
- Keith Richards, 260 milionë pound
- Olivia dhe Dhani Harrison, 250 milionë pound
- Sir Ringo Starr, 240 milionë pound
- Michael Flatley, 204 milion pound
- Sting, 200 milion pound
