Sekretari amerikan i Shtetit, Pompeo, pritet të takohet me presidentin rus, Putin dhe ministrin e Jashtëm të Rusisë, Lavrov gjatë një vizite në Moskë javën e ardhshme.
Njoftimi është dhënë nga Departamenti i Shtetit në një deklaratë zyrtare.
Vizita vjen pasi marrëdhëniet midis Moskës dhe Uashingtonit janë në një gjendje të re, pas rënies së akuzave ndaj presidentit amerikan Trump, lidhur me ndërhyrjen e pretenduar ruse në zgjedhjet presidenciale amerikane.
Çështjet që pritet të diskutohet në këtë takim janë situata në Venezuelë si dhe marrëveshja bërthamore e Iranit.
Departamenti i Shtetit thotë se ata do të diskutojnë “gamën e plotë të sfidave dypalëshe dhe shumëpalëshe” gjatë një takimi në qytetin jugor të Soçit më 14 maj.
Pompeo u takua me Lavrov në Finlandë në fillim të kësaj jave në samitin e Arktikut.
