Ish-deputetja Albana Vokshi, ka dalë kundër propozimit për integrimin e Akademisë së Shkencave në një të vetme me ato të rajonit. Vokshi thotë se Rama po përdor Shahinin, për të shkrirë një ndër institucioneve më të rëndësishme të shkencave në Shqipëri.
Vokshi e quan Shahinin marionetë të Ramës, ndërsa fton qytetarët të protestojnë për ta ndaluar planin për shkrirjen e Akademisë së Shkencave.
“Edi Rama po përgatit projektin për shkrirjen e Akademisë së Shkencave.
Per tja arritur këtij qellimi, po perdor marionetën e tij në krye të Ministrisë së Arsimit dhe deputetë injorantë apo ilegjitimë. Në mënyrë të fshehtë, pa transparencë, pa marrë mendimin e askujt, në shkelje të procedurave dhe ligjeve, me draftin e propozuar të ligjit për Akademinë e Shkencave, po i paraprin idesë për shkrirjen e një ndër institucioneve më të rëndësishme për të vërtetën shkencore dhe interesave kombëtarë.
Pasi ka shkatërruar politikën, ekonominë, kulturën, arsimin, zgjedhjet, drejtësinë, pasi ka kapur të gjitha pushtetet, tani kërkon të shkatërrojë edhe akdeminë dhe shkencat shqiptare.
Me një urrejtje patologjike ndaj popullit të tij, me kompleksin ndaj dijes dhe intelektualëve, të gjitha projektet e tij synojnë shkatërrimin e cdo gjëje që ruan dhe trashëgon identitetin shqiptar, sic është edhe rasti i Akademisë së Shkencave.
Me këtë veprim, Kryeministri në ikje po u kryen shërbimin e fundit qarqeve anti-shqiptare për të eleminuar Akademinë e Shkencave në Shqipëri, plani i nisur që para dy vitesh, kur kërcënoi me heqjen e fondeve dhe shkrirjen e Akademisë së Shkencave.
Të ngrihemi të gjithë në këmbë të ndalojmë planin ogurzi të Edi Ramës për zhdukjen e institucioneve pjesë e identitetit kombëtar shqiptar”, shkruan Vokshi.
Më herët, kundër këtij propozimi ka dalë edhe akademiku Artan Fuga, i cili përmes një letre publike i kërkoi Ramës dhe presidentit Ilir Meta, shkarkimin e ministres Shahini.
