Rama ofron dialog me opozitën. Në komunikimin e tij të drejtëpërdrejtë sot kryeministri Rama ka thënë se është i gatshëm të ulet për dialog.
“Unë jam këtu i gatshëm për dialog, për të diskutuar.
Ulemi flasim dhe pa asnjë diskutim ne marrim përsipër t’i kthejmë në nisma ligjore që ata si popull kanë për të përmirësuar jetën e vendit.
Te ulemi, të flasim, ta negociojmë dhe të vendosim, përndryshe më herët se vonë turpi do t’i ndjekë pas më herët se vonë, ata të cilët kanë mundësinë të ndjejnë turp.”, dha versionin e tij të zgjidhjes Rama.
Opozita e bashkuar kërkon largimin e tij dhe krijimin e një qeverie tranzitore.
“Patjetër unë jam problemi, se nuk më mundin dot!”, u përgjigj gjatë pyetjeve të gazetarëve Rama.
Gjatë momenteve të komunikimit të tij, Rama dha edhe disa mesazhe të tjera.
Bllokimi i çeljeve të negociatave me BE-në, sipas Ramës po ndodh për shkak të protestave të opozitës
“Mendojnë se duke bllokuar çeljen e negociatave me BE-në, do fitojnë.”, u tha Rama sot gazetarëve dhe shqiptarëve në një komunikim të drejtpërdrejtë nga Kryeministria.
Në konferencën e tij pas protestës së djeshme të opozitës, Rama e ka kritikuar, duke i quajtur protestuesit një grup që nuk e kontrollon dot veten.
“Policët e tepruan, i mirëkuptoj”, komentoi Rama dhunën ndaj sekretarit organizativ të PD-së, Sahit Dollapi.
Duket se Rama, pas konfirmimit të mbylljes së derës, nga Bashkimi Europian dhe miratimin e vizave për shqiptarët nga Holanda, është duke gjetur shkaqe. Sipas tij, një nga shkaqet që ne nuk po na hapen negociatat janë protestat e opozitës, jo problemet në qeverisjen e tij./Hashtag.al
