Ish-deputetja e PD-së, Vokshi, ka denoncuar rritjen e notës mesatare për maturantët që kërkojnë të ndjekin universitetin.
Në një reagim të sajon në Facebok, Vokshi theksoin se ky vendim i qeverisë është kufizim i lirisë për arsim të lartë.
Ajo thekson se ky veprim i marrë nga dyshja Rama-Shahini tregon se ata nuk e kanë aspak prioritet arsimin për më tepër që vjen vetëm pak muaj para fillimit të sezonit të rregullt në universitete, duke mos u dhënë mundësinë maturantëve që të përmirësojnë notën mesatare.
Ajo shkruan gjithashtu se duke mos ju dhënë mundësinë për arsim të rinjve po i detyron ata të largohen jashtë vendit.
“ Rritja e notës mesatare për maturantët që duan të ndjekin universitetin është kufizim i #lirisë për #arsim. Këto ditë, kam marrë shumë mesazhe shqetësimi nga prindër të nxënësve maturantë, por edhe mësues gjimnazesh të ndryshme në vend, në lidhje me vendimin e marrë së fundmi nga Këshilli i Ministrave për rritjen e notës mesatare për pranimet në Universitete. Kështu për vitin akademik 2019-2020:
– Nota mesatare rritet nga 7 në 7.5 – për maturantët që aplikojnë për t’u pranuar në programet e studimit të fushës së mësuesisë;
– Nota mesatare rritet nga 6 në 6.5 – për të gjithë maturantët që duan të ndjekin programet e tjera të studimit të ciklit të parë dhe në programet e integruara të studimeve të ciklit të dytë.
Ky vendim keqdashës, abuziv, antikushtetues, i marrë vetëm pak ditë para përfundimit të maturës, tregon qartësisht që Rama-Shahini nuk e kanë Arsimin prioritet.
Ky vendim ndryshon rregullat e pranimit në Universitete, duke mos i dhënë mundësi asnjë maturanti të mund të përmirësojë notën mesatare, e duke përjashtuar shumë prej tyre nga mundësia për arsimim.
Duke ju mohuar të drejtën për arsimin, Rama po kërkon të largojë nga Shqipëria pjesën më vitale, më të talentuar të shoqërisë.
Në këto kushte, maturantët kanë të gjithë të drejtën të #bojkotojnë #provimet e #maturës.
Maturantët të #protestojnë për të drejtat e tyre kushtetuese e për të ardhmen e tyre në Shqipëri.” – shkruan Vokshi.
