Ish- zv.Kancelari austriak, Heinz-Christian Strache, është përmendur sërish pas publikimit të videos që shkaktoi tërmet në politikën austriake.
Fillimisht Strache dha dorëheqjen dhe pas tij edhe kancelari Kurz, i cili shpalli zgjedhje të parakohshme që do mbahen në vjeshtë.
Politikani i ekstremit të djathtë kishte heshtur për ditë me radhë pas publikimit të videos në Ibiza të Spanjës ku pretendohet se ai po bënte pazar me mbesën e supozuar të një oligarku rus për zgjedhjet në Austri.
Pas kësaj një pjesë e mirë kolegësh u larguan prej tij duke e vënë në pozitë tejet të vështirë.
Por së fundmi Strache ka reaguar nëpërmjet një postimi në faqen e tij në Facebook. Ai shkruan:
Ne do i gjejmë mbështetësit dhe organizatorët e videos së krijuar në mënyrë kriminale dhe që u shërbejnë fushatave të ndyra ndërsa jam i bindur se nuk kam bërë asgjë të gabuar. Po luftoj për këtë.”
Videoja e publikuar shkaktoi jo pak probleme për partinë e ekstremit të djathtë në Austri, në prag të zgjedhjeve për Parlamentin Europian.
