Një tjetër kandidat i Bindjes Demokratike është tërhequr nga gara për zgjedhjet lokale të 30 qershorit.
Kandidati i tërhequr është Ylber Gjeta, i cili ishte parashikuar të garonte për partinë e themeluar nga Astrit Patozi në Kamzë.
Gjeta i ka shkruar një leër Komisionit Qendror të Zgjedhjeve, ku shpjegon se dorëheqja bëhet për shkaqe shëndetësore.
Gjeta është kandidati i tretë që tërhiqet nga gara për zgjedhjet lokale për Bindjen Demokratike pas Salvador Kaçajt në Lezhë dhe Bledar Sinellës në Kavajë.
Kaçaj deklaroi në dorëheqjen e tij se procesi zgjedhor i 30 qershorit është farsë në shërbim të pushtetit të Edi Ramës, kurse Sinella në letrën e tij të dorëheqjes shkruan se emri i dërguar në KQZ si kandidat nga Bindja Demokratike ishte bërë pa dakordësinë përfundimtare të tij.
