Templates by BIGtheme NET

Kina teston trenin me shpejtësi 600km/h

Në Kinë, treni i ri i shpejtësisë së lartë që pritet të lëvizë me 600 km/orë, është një hap më pranë shndërrimit në realitet.

Prototipi u testua me sukses, dhe kompania shtetërore, ‘China Railway Rolling Stock Corporation’ ( CRRC), furnizuesi i dytë më i madh në botë i pajisjeve të transportit hekurudhor- thotë se prodhimi komercial i tij mund të nisë në 2021-shin.

Personat e përfshirë në projekt janë optimistë se ky tren do të arrijë t’a transformojë tërësisht peizazhin e udhëtimit në vend. Merrni distancën Pekin-Shangai për shembull, me avion është 4 orë e gjysmë, me një tren të zakonshëm të shpejtësisë së lartë një orë më shumë se aq dhe me super trenin, për të cilën po flasim, koha do të shkurtohet në 3 orë e gjysmë, thotë inxhinieri Ding Sansan.

Trenat e përdorur aktualisht në linjën mes Pekinit dhe Shangait kanë një shpejtësi operative maksimale prej 350 km/h, ndërsa ato maglev, siç njihen ndryshe, përdorin një sistem magnetesh, për t’a ngritur mjetin pak nga toka, çka redukton fërkimin, duke i’a bërë më të lehtë shtytjen përpara.

MUND TË KOMENTOSH

avatar
  Subscribe  
Më njofto