Arba Kokalari dhe Alketa Selimaj
Këtë të diel mbahen zgjedhjet për Parlamentin Europian në disa vende të Bashkimit Europian dhe surprizë për ne shqiptarët është jo vetëm dëgjimi i kandidatëve me emra shqiptarë, por njohja edhe me emrat e dy vajzave që garojnë për partitë e tyre në Suedi dhe Belgjikë. Ato janë Arba Kokalari (Kandidon për Parlamentin Europian) dhe Alketa Selimaj (Kandidon për deputete në Parlamentin Federal Belg).
Arba Kokalari, ka lindur në Shqipëri, ndërsa u zhvendos drejt Suedisë, pasi i ati, nipi i Musine Kokalarit kishte funksionin e ambasadorit të Shqipërisë. Për shumë vite Kokalari ka qenë e angazhuar me rininë e PPE-së dhe disa herë ka qenë zëvendëspresidente. Kokalari e Partisë Moderatore është e katërta në listë, ndërsa sipas sondazheve partia e saj merr 3-4 deputetë në Parlamentin Europian.
Kokalari garon për herë të dytë, ndërsa herën e parë është ndarë nga fitorja për vetëm 2 mijë vota.
Alketa Selimaj renditet e pesta për deputete federale në Belgjikë në Partinë Qendra Demokratike Humaniste (CDH), pjesë e PPE-së.
Selimaj ka themeluar shoqatën e parë për gratë në Belgjikë./Hashtag.al
