Një burrë me thikë ka sulmuar një grup nxënësish që prisnin autobusin në një qytet japonez në jug të Tokios.
Mediat ndërkombëtare shkruajnë se personi i armatosur me thikë ka plagosur 16 nxënës të shkollave fillore dhe dy të rritur që ndodheshin në stacionin e autobusit në Kawasaki.
Fatkeqësisht dy prej tyre, një vajzë 12-vjeçare dhe një 39-vjeçar, kanë humbur jetën.
Të 16 fëmijët janë nxënës të shkollës fillore Caritas, një shkollë private katolike në qytet. I dyshuari, një burrë në moshën 50 vjeçare, thuhet se mbante thika në të dyja duart dhe i theri viktimat para se të priste dhe fytin e vet me thikë. I dyshuari vdiq pasi u dërgua në spital.
Një zëdhënës i Departamentit të Zjarrfikëses Kawasaki i tha agjencisë së lajmeve “AFP” se një telefonatë emergjente u prit në orën 07:44 të martën duke deklaruar se një numër i fëmijëve të shkollës ishin therur.
Shoferi i autobusit të shkollës tha se ai e kishte parë të dyshuarin të afrohej me një radhë studentësh të cilët, po prisnin të hipnin në autobusin e tyre.
Nga viktimat, 39-vjeçari besohet se ishte babai i një prej nxënësve. Dy vajza të tjera dhe një grua në të 40-at ndodhen në gjendje të rëndë.
